Utafiti huu ulifanywa, kimsingi, katika kushughulikia mapengo ya utafiti yaliyoonekana katika utafiti uliopita uliokuwa umeagizwa na Sikika (wakati huo YAV). Utafiti huo uliopita, ulilenga rushwa katika huduma za afya nchini Tanzania lakini ulishindwa kuangalia kikamilifu masuala yafuatayo: nafasi ya upungufu wa rasilimali; ufanisi wa taratibu za kurekebisha; sababu za kiutawala ambazo zinachangia kuendelea kwa vitendo vya rushwa; vikwazo vya upande wa usambazaji ambavyo vinazidisha vitendo vya rushwa; athari za rushwa katika utafutaji wa huduma za afya; na nafasi ya kamati za usimamizi wa vituo vya afya katika kupambana na rushwa.